İrakli Kobaxidze Sinqapur Prezidenti və baş naziri ilə görüşüb (FOTO)

Sinqapurda səfərdə olan Baş nazir İrakli Kobaxidze bu ölkənin Prezidenti Tarman Şanmuqaratnam ilə görüş keçirib. 24News.ge xəbər verir ki, bu barədə Gürcüstan Hökumət Administrasiyası məlumat yayıb. Məlumata görə, görüş zamanı ticarət-iqtisadi və investisiya əlaqələrinin, eləcə də siyasi və mədəni münasibətlərin daha da dərinləşdirilməsi istiqamətində mövcud potensial müzakirə olunub. Tərəflər Gürcüstandakı əlverişli biznes mühiti və ölkənin investisiya imkanları barədə fikir mübadiləsi aparıblar. Baş nazir Gürcüstan hökumətinin Sinqapurun aparıcı maliyyə mərkəzləri və investisiya fondları ilə əməkdaşlığın genişləndirilməsinə hazır olduğunu təsdiqləyib. Görüşdə turizm və innovasiya sahələrində əməkdaşlıq imkanları, eləcə də bu istiqamətlərdə mövcud potensialdan səmərəli istifadə məsələləri də müzakirə edilib. Tərəflər yüksək səviyyəli səfərin ikitərəfli münasibətlərin yeni mərhələyə keçməsinə töhfə verəcəyinə ümidvar olduqlarını bildiriblər. Baş nazir İrakli Kobaxidze Sinqapur Prezidentinə Gürcüstanın ərazi bütövlüyü və suverenliyinə göstərdiyi qəti dəstəyə görə təşəkkür edib. Qeyd edək ki, Baş nazir İrakli Kobaxidze Sinqapura səfəri çərçivəsində ölkənin Baş naziri Lorens Vonq ilə də görüşüb. Görüşdə liderlər ticarət, iqtisadi və investisiya sektorlarında əlaqələrin dərinləşdirilməsi potensialını da müzakirə ediblər. Bu kontekstdə Gürcüstanda həyata keçirilən iqtisadi və struktur islahatlarına, iqtisadi artımın müsbət dinamikasına və ölkədəki əlverişli biznes mühitinə diqqət yetirilib.

www.24news.ge

İrakli Kobaxidze Sinqapur Prezidenti və baş naziri ilə görüşüb (FOTO)

Digər xəbərlər