19 ton vaxtı keçmiş və sağlamlıq üçün təhlükəli ət məhsulunun satışı ifşa edilib (VİDEO)

Maliyyə Nazirliyinin İstintaq Xidməti 19 ton vaxtı keçmiş və sağlamlıq üçün təhlükəli ət məhsulunun satışına cəhd faktını aşkarlayıb. 24News.ge xəbər verir ki, bu barədə Maliyyə Nazirliyinin İstintaq Xidməti məlumat yayıb. Məlumata görə, bir nəfər cinayət məsuliyyətinə cəlb edilib. İstintaqla müəyyən edilib ki, təqsirləndirilən şəxs xarici ölkə vətəndaşından 19 ton vaxtı keçmiş və insan sağlamlığı üçün təhlükəli dondurulmuş mal əti məhsulları alıb. O, məhsulları Tbilisidə yerləşən soyuducu anbarlardan birində saxlayaraq, mərhələli şəkildə özünə məxsus ət mağazasına aparıb satışını təşkil etməyi planlaşdırıb. İstintaq Xidmətinin əməkdaşları təqsirləndirilən şəxsə məxsus ət mağazasından və soyuducu anbardan külli miqdarda vaxtı keçmiş ət məhsullarını maddi sübut kimi götürüblər. Qeyd edək ki, görüntülərdə məhsulların üzərində “Halal” yazısı yazıldığı da müşahidə olunur.

www.24news.ge

19 ton vaxtı keçmiş və sağlamlıq üçün təhlükəli ət məhsulunun satışı ifşa edilib (VİDEO)

Digər xəbərlər