Almaniya və Azərbaycan arasında strateji tərəfdaşlıq haqqında birgə bəyannamə imzalanıb

Almaniya kansleri Fridrix Merts və Azərbaycan Prezidenti İlham Əliyev Almaniya ilə Azərbaycan arasında strateji tərəfdaşlıq haqqında birgə bəyannamə imzalayıblar. 24News.ge xəbər verir ki, sənədin imzalanması Almaniya kansleri Fridrix Mertsin Berlində Azərbaycan Prezidenti İlham Əliyevlə keçirdiyi görüş çərçivəsində baş tutub. Sənəd siyasi dialoq, iqtisadiyyat, energetika, nəqliyyat, təhlükəsizlik, rəqəmsal texnologiyalar və humanitar sahələr üzrə əməkdaşlığın vahid uzunmüddətli çərçivədə inkişafını nəzərdə tutur. Prezident İlham Əliyev bildirib ki, strateji dialoqun başlanması uzun müddətdir qarşıya qoyulan məqsəd idi və imzalanan sənədlər Azərbaycan–Almaniya münasibətlərini yeni səviyyəyə yüksəldəcək. O, sənəddə nəzərdə tutulan layihələrin icrasını sürətləndirmək üçün birgə işçi qruplarının yaradılacağını da açıqlayıb. Birgə Bəyannamə qarşılıqlı investisiyaların artırılması, enerji təhlükəsizliyi, bərpa olunan enerji, nəqliyyat-logistika, müdafiə və təhlükəsizlik sahələrində əməkdaşlığın genişləndirilməsini, eləcə də elm, təhsil, innovasiya və mədəni əlaqələrin inkişafını əhatə edir. Sənədin Azərbaycan və Almaniya arasında uzunmüddətli strateji əməkdaşlığın möhkəmləndirilməsi, həmçinin regional sabitlik və iqtisadi tərəfdaşlığın inkişafına töhfə verəcəyi vurğulanır.

www.24news.ge

Almaniya və Azərbaycan arasında strateji tərəfdaşlıq haqqında birgə bəyannamə imzalanıb

Digər xəbərlər