İrakli Kobaxidze işgüzar səfərlə Sinqapura yollanıb

Gürcüstanın Baş naziri İrakli Kobaxidze işgüzar səfərlə Sinqapura yollanıb. 24News.ge xəbər verir ki, bu barədə Hökumət Administrasiyası məlumat yayıb. Səfər çərçivəsində Gürcüstan hökumətinin başçısı Sinqapur Prezidenti Tarman Şanmuqaratnam, Baş nazir Lourens Vonq və Sinqapur Parlamentinin sədri Sia Kian Penqlə görüşəcək. Bundan əlavə, maliyyə texnologiyaları sahəsində fəaliyyət göstərən şirkətlərlə görüşlərin keçirilməsi də planlaşdırılır. Görüşlərin əsas mövzusu Gürcüstanın investisiya imkanlarının təqdimatı olacaq. Baş nazir Sinqapura hökumət nümayəndə heyəti ilə birlikdə yollanıb. Nümayəndə heyətinə Baş nazirin müavini və xarici işlər naziri Maka Boçorişvili, iqtisadiyyat və davamlı inkişaf naziri Mariam Kvrivişvili, həmçinin Hökumət Administrasiyasının rəhbəri Levan Jorjoliani daxildir.

www.24news.ge

İrakli Kobaxidze işgüzar səfərlə Sinqapura yollanıb

Digər xəbərlər