İranla müharibə zamanı son iki həftədə 100-ə yaxın ABŞ hərbçisi yaralanıb

İranla müharibə zamanı son iki həftə ərzində 100-ə yaxın ABŞ hərbçisi müxtəlif dərəcəli xəsarətlər alıb. 24News.ge xəbər verir ki, ABŞ Müdafiə Nazirliyinin (Pentaqon) sözçüsü Şon Parnell bu barədə sosial şəbəkədə paylaşım edib. "2026-cı il iyulun 7-dən etibarən 100-ə yaxın hərbçi müəyyən dərəcədə xəsarət alıb. Onların 96 faizi artıq yenidən xidmətə qayıdıb. Onlar qətiyyətlə döyüş tapşırıqlarını yerinə yetirməyə davam edirlər. Xəsarətlərin böyük əksəriyyəti yüngül beyin silkələnməsi olub", – deyə Parnell bildirib. ABŞ Müdafiə Nazirliyinin sözçüsü bununla yanaşı, The New York Times qəzetində dərc olunan məqaləyə münasibət bildirib. Həmin məqalədə Pentaqonun İranla müharibə zamanı onlarla amerikalı hərbçinin yaralanması ilə bağlı məlumatı gizlətdiyi iddia olunurdu. "Bu, The New York Times-ın qərəzli jurnalistləri tərəfindən yayılan açıq-aşkar yalandır. Onlar ümidsiz şəkildə ABŞ hərbçilərini və onların rəhbərliyini nüfuzdan salmağa çalışırlar", – deyə Pentaqonun sözçüsü vurğulayıb.

www.24news.ge

İranla müharibə zamanı son iki həftədə 100-ə yaxın ABŞ hərbçisi yaralanıb

Digər xəbərlər