Saakaşvili “Vahid Milli Hərəkat”da köklü dəyişikliklər anons etdi

Gürcüstanın üçüncü prezidenti Mixeil Saakaşvili müxalif “Vahid Milli Hərəkat” partiyasında güclü islahatların aparılacağını açıqlayıb. 24News.ge xəbər verir ki, Saakaşvili sosial şəbəkədə yaydığı açıqlamada bildirib ki, partiyanın yenilənməsi və islahatı məqsədilə jurnalist Nanuka Jorjoliani və onun komandası partiyaya qoşulacaq. Onun sözlərinə görə, partiyanın əsas məqsədi əvvəlki xalq yönümlü simasını bərpa etmək, daha geniş ictimai təbəqələri əhatə edən siyasi təşkilata çevrilməkdir. Saakaşvili qeyd edib ki, özü, eləcə də digər partiya liderləri həbsdə olduğu bir dövrdə partiyanın canlandırılmasına, fundamental yenilənməsinə və fəallaşdırılmasına ehtiyac yaranıb. Bu səbəbdən Nanuka Jorjolianinin partiyanın islahat prosesinə cəlb olunması barədə qərar qəbul edilib. “Nanukanı 25 ildir tanıyıram. O, heç vaxt öz ideallarına xəyanət etməyib, həmişə həqiqət uğrunda mübarizəsi, cəsarəti və yenilikçiliyi ilə seçilib”, – deyə Saakaşvili bildirib. O vurğulayıb ki, Jorjoliani onun tam etimadına malikdir və partiya sədri Tina Bokuchava ilə birlikdə dəyişikliklərin həyata keçirilməsində mühüm rol oynayacaq. Saakaşvili həmçinin partiyanın yeni üzvlər üçün daha açıq olacağını, mərkəzsizləşdirmə, yeni texnologiyaların tətbiqi və müasir maliyyələşdirmə sisteminin yaradılması istiqamətində addımlar atılacağını bildirib. Keçmiş prezidentin fikrincə, qarşıdakı azad seçkilərdə Gürcü xalqı və yenilənmiş “Vahid Milli Hərəkat” qalib gələcək.

www.24news.ge

Saakaşvili “Vahid Milli Hərəkat”da köklü dəyişikliklər anons etdi

Digər xəbərlər