Parlamentin sədri və kənd təsərrüfatı naziri buğda yığımında iştirak ediblər (FOTO)

Parlamentin sədri Şalva Papuaşvili və Ətraf Mühitin Mühafizəsi və Kənd Təsərrüfatı naziri Davit Sonqulaşvili Kaxetinin Dedoplistsqaro bələdiyyəsində buğda yığımının gedişi ilə yerində tanış olublar. 24News.ge xəbər verir ki, bu barədə nazirlik məlumat yayıb. Nazir Davit Sonqulaşvili bildirib ki, son illərdə həyata keçirilən dövlət siyasəti nəticəsində buğda istehsalında sabitlik müşahidə olunur. Sonqulaşvili həmçinin qeyd edib ki, orta məhsuldarlıq göstəriciləri artıb, özünütəminetmə əmsalı yaxşılaşıb və fermerlər müasir kənd təsərrüfatı texnikası ilə təmin olunublar: “Fermerlərin ehtiyaclarına uyğun texnikanın yenilənməsi proqramını davam etdiririk. Məqsədimiz buğda istehsalında mövcud potensialdan tam istifadə etmək və özünütəminetmə səviyyəsini mərhələli şəkildə artırmaqdır”, – deyə Sonqulaşvili bildirib. Rəsmi məlumatlara əsasən, 2025-ci ildə ölkədə buğda istehsalının həcmi 200 000 tona yaxın olacaq. 11 iyul tarixinə olan göstəricilərə görə, buğda 15 323 hektar, arpa isə 25 554 hektar sahədə yığılıb. Hazırda buğda emalı müəssisələri ümumilikdə 1 364 ton buğda alıb, məhsulun orta satış qiyməti isə 0.70 lari təşkil edir.

www.24news.ge

Parlamentin sədri və kənd təsərrüfatı naziri buğda yığımında iştirak ediblər (FOTO)

Digər xəbərlər