Sabirkənddə 6 küçənin asfaltlaşdırılması başa çatıb (VİDEO)

Marneuli bələdiyyəsinin Sabirkənd kəndində bir sıra küçələrin daxili yollarının asfaltlaşdırılması prosesi başa çatıb. 24News.ge xəbər verir ki, Marneuli meri Daur İsmayılov, merin müavini Vasili Xaxulaşvili və digər yerli hökumət nümayəndələri kəndə səfər edərək daxili yolların bərpası çərçivəsində görülən işlərlə tanış olub və yerli sakinlərlə görüşüblər. Mer jurnalistlərə müsahibəsində bildirib ki, iyun ayında başlanılan asfaltlaşdırma işləri nəzərdə tutulduğundan əvvəl başa çatdırılıb. Qeyd olunub ki, ümumilikdə 6 küçədə, təxminən 2 kilometrlik yol asfaltlaşdırılıb. Yerli sakinlər kəndin daxili yollarının asfaltlaşdırılmasını yüksək qiymətləndirib və görülən işlərə görə yerli hökumətə təşəkkürlərini bildiriblər. Sakinlər həmçinin yeni yollara tramplinlərin quraşdırılmasını və kənddə içməli su ilə bağlı mövcud problemin aradan qaldırılmasını yerli hökumətdən xahiş ediblər. Qeyd edək ki, Sabirkənd kəndinin daxili yollarının bərpası layihəsi yerli büdcədən maliyyələşdirilib. Layihənin ümumi dəyəri 800 min lari təşkil edir.

www.24news.ge

Sabirkənddə 6 küçənin asfaltlaşdırılması başa çatıb (VİDEO)

Digər xəbərlər