Milli Bank ilk dəfə beynəlxalq ehtiyatlarına monetar qızıl əlavə edib

Ölkə tarixində ilk dəfə olaraq Milli Bank beynəlxalq ehtiyatlarına monetar qızıl əlavə edib. 24News.ge xəbər verir ki, bu barədə tənzimləyici qurum məlumat yayıb. Milli Bank London əmtəə birjasından 500 milyon ABŞ dolların dəyərində ən yüksək əyarlı (999,9) 7 ton qızıl külçə alıb. Beləliklə, monetar qızıl bütün beynəlxalq ehtiyatların təxminən 11 %-ni təşkil edir. Hazırda külçələr Londonda saxlanılır, amma gələcəkdə ölkəyə - Milli Bankın anbarına gətiriləcək. Qeyd olunub ki, ötən il Milli Bank valyuta bazarından rekord məbləğdə - 1,5 milyard ABŞ dolları alıb ki, bu da ehtiyatların əhəmiyyətli dərəcədə artmasına səbəb olub və onların bir qismini monetar qızıldakı aktivlərlə əvəzləmək imkanı verib.

www.24news.ge

Milli Bank ilk dəfə beynəlxalq ehtiyatlarına monetar qızıl əlavə edib

Digər xəbərlər