Həyat yoldaşına və azyaşlı övladına zorakılıq edən şəxs saxlanılıb (VİDEO)

Kaxeti Polis Departamentinin əməkdaşları ailə üzvünə qarşı hədə-qorxu, zorakılıq və yetkinlik yaşına çatmayan şəxsə qarşı zorakılıq ittihamı ilə əvvəllər məhkum olunmuş şəxsi saxlayıblar. 24News.ge xəbər verir ki, Daxili İşlər Nazirliyinin məlumatına görə, istintaqla müəyyən edilib ki, xaricdən yeni qayıdan kişi bu il oktyabrın 31-də Telavi şəhərində mübahisə zəminində azyaşlı övladının gözü qarşısında həyat yoldaşına fiziki zorakılıq göstərib və onu öldürməklə hədələyib. Daha sonra o, övladına da fiziki zor tətbiq edərək hadisə yerindən qaçıb. Hüquq-mühafizə orqanlarının əməkdaşları həyata keçirilən əməliyyat-axtarış və istintaq tədbirləri nəticəsində şübhəlini hadisədən dərhal sonra İmereti bölgəsinin Zestafoni şəhərində saxlayıblar. Faktla bağlı Cinayət Məcəlləsinin 126-cı prima və 11-ci prima 151-ci maddələri ilə istintaq aparılır. Sözügedən maddələr 3 ilədək azadlıqdan məhrumetmə cəzasını nəzərdə tutur.

www.24news.ge

Həyat yoldaşına və azyaşlı övladına zorakılıq edən şəxs saxlanılıb (VİDEO)

Digər xəbərlər