Torpaqların qeydiyyatı nəticəsində 1 milyon hektar sahədə olan problemlər həllini tapacaq

Torpaqların sistemli qeydiyyatı nəticəsində 1 milyon hektar sahədə mövcud olan problemlər birdəfəlik öz həllini tapacaq. 24News.ge xəbər verir ki, bu barədə Ədliyyə naziri Rati Breqadze məlumat verib. Onun sözlərinə görə, bu gün təxminən 1 milyon hektar sahədə bir sıra problemlər var: “Dövlət Reyestr Agentliyi bütün ölkə üzrə davam edən sistematik qeydiyyat islahatını həyata keçirir və bu islahat 2024-cü ilin sonuna qədər başa çatacaq. Torpaqların sistemli qeydiyyatı başa çatdıqdan sonra dövlət torpaq idarəçiliyi və torpaqdan istifadə siyasətini daha səmərəli aparmaq, habelə mövcud təbii sərvət bazasının və xüsusi mühafizə olunan təbiət ərazilərinin mühafizəsini asanlaşdırmaq imkanı əldə edəcək. Həmçinin iqtisadi dövriyyədə hüquqi cəhətdən təhlükəsiz obyektlərin sayı görünməmiş şəkildə artacaq", - deyə Rati Breqadze vurğulayıb. Onun sözlərinə görə, 2024-cü ildə Ədliyyə Evlərinin bölgələrdə sayı artırılacaq, bunun nəticəsində ölkə üzrə 130 Ədliyyə Evi fəaliyyət göstərəcək. Breqadze qeyd edib ki, cəzaçəkmə müəssisələrində də ədliyyə evlərinin açılması davam etdiriləcək.

www.24news.ge

Torpaqların qeydiyyatı nəticəsində 1 milyon hektar sahədə olan problemlər həllini tapacaq

Digər xəbərlər