İki gün əvvəl Marneulidə saxlanılan mebel ustası azadlığa buraxılıb (VİDEO)

2 noyabr tarixində Marneulidə saxlanılan mebel ustası azadlığa buraxılıb. 24News.ge xəbər portalına müsahibə verən mebel ustasının vəkili Elvin Şeyriyev bildirib ki, müdafiə etdiyi şəxs baş verən hadisədə günahsızdır. Onun sözlərinə görə, mebel ustası ilə sifarişçi arasında yaranan anlaşılmazlıq nəticəsində polisə müraciət olunub və usta saxlanılıb. Vəkil qeyd edib ki, mebel ustası ona ödənilən vəsaiti mənimsəməyib və həmin məbləği yaxın vaxtlarda sifarişçiyə qaytaracağını bildirib. Lakin sifarişçi məsələ ilə bağlı polisə şikayət edib. Elvin Şeyriyev, həmçinin saxlanılma zamanı mebel ustasının sosial şəbəkələrdə və ictimaiyyət arasında dələduz kimi təqdim edilməsinin düzgün olmadığını vurğulayıb. O, məhkəmənin yekun qərarının gözlənilməsinin vacibliyini qeyd edib. Qeyd edək ki, mebel ustası vətəndaşdan 1750 lari alaraq həmin məbləğ müqabilində mebel hazırlamağı vəd edib. Lakin vədinə əməl etmədiyi iddiası ilə saxlanılıb.

www.24news.ge

İki gün əvvəl Marneulidə saxlanılan mebel ustası azadlığa buraxılıb (VİDEO)

Digər xəbərlər