Polşaya uçan təyyarədə azyaşlıya qarşı seksual xarakterli hərəkətlər edən Gürcüstan vətəndaşı saxlanılıb

Barselonadan Varşavanın Modlin hava limanına uçan təyyarədə Polşa polisi 29 yaşlı Gürcüstan vətəndaşını saxlayıb. O, yetkinlik yaşına çatmayan sərnişinə qarşı seksual xarakterli cinayət törətməkdə ittiham olunur. 24News.ge xəbər verir ki, bu barədə Polşa mediası məlumat yayıb. Məlumata görə, məhkəmə saxlanılan şəxs barəsində üç aylıq həbs qətimkan tədbiri seçib. Media məlumatına əsasən, ekipaj üzvləri sərnişinlərdən birinin yanında əyləşən şəxsə qarşı seksual xarakterli hərəkətlər etdiyini polisə bildiriblər. Təyyarə Modlin hava limanına enən kimi sərhəd xidməti əməkdaşları və polis təyyarəyə daxil olaraq şübhəli şəxsi saxlayıblar. Hüquq-mühafizə orqanlarının məlumatına görə, zərərçəkən ailəsi ilə birlikdə səyahət edən Polşa vətəndaşı olan 16 yaşlı yeniyetmədir. Saxlanılan şəxs ittihamı qəbul etmir. Təqsiri sübuta yetiriləcəyi təqdirdə onu 8 ilədək azadlıqdan məhrumetmə cəzası gözləyir.

www.24news.ge

Polşaya uçan təyyarədə azyaşlıya qarşı seksual xarakterli hərəkətlər edən Gürcüstan vətəndaşı saxlanılıb

Digər xəbərlər