Kobaxidze BƏƏ hakimiyyətinə təşəkkür edib: “Dvalişvili və Lazişvili azadlığa buraxılıb”

Baş nazir İrakli Kobaxidze gürcü idmançılar Merab Dvalişvili və Saba Lazişvilinin azadlığa buraxılmasına münasibət bildirib və Birləşmiş Ərəb Əmirliklərinin hakimiyyətinə təşəkkür edib. 24News.ge xəbər verir ki, Kobaxidzenin sözlərinə görə, BƏƏ-də həm Dvalişvili və Lazişvilinin azadlığa buraxılması, həm də onlara hücum edən şəxslərlə bağlı ədalətli qərar qəbul edilib. Baş nazir xarici işlər naziri Maka Boçorişviliyə və daxili işlər naziri Sulxan Tamazaşviliyə idmançıların hüquqlarının qorunması istiqamətində operativ koordinasiyaya görə təşəkkür edib. O, həmçinin Merab və Sabanın vəkillik xidmətləri və cərimə xərclərini tam qarşılayan şəxslərə minnətdarlığını bildirib. Kobaxidze idmançılara göstərdikləri ləyaqətə görə təşəkkür edib və onların gələcək idman karyeralarında uğurlar arzulayıb. Qeyd edək ki, noyabrın 11-də Abu-Dabidə Merab Dvalişvili və Saba Lazişvili fiziki hucuma məruz qalıblar. Hadisə otelin foyesində baş verib. Dağıstanlı döyüşçü Usman Nurməhəmmədov və onu müşayiət edən şəxslər ona hücum ediblər. Hadisə ilə bağlı hüquqi prosedurlara başlanılıb və polis qarşıdurmanın bütün iştirakçılarını bölməyə aparıb. Məlumata görə, hücumda ittiham olunan Usman Nurməhəmmədov və qrupunun üzvlərinə 6 ay həbs, cərimə və deportasiya cəzası verilib. Merab Dvalişvili və Saba Lazişvili isə insidentin görüntülərini yaydıqlarına görə cərimələniblər.

www.24news.ge

Kobaxidze BƏƏ hakimiyyətinə təşəkkür edib: “Dvalişvili və Lazişvili azadlığa buraxılıb”

Digər xəbərlər