Marneulidə Yeni il yolkasının işıqlandırılması 94 450 lariyə başa gələcək

Marneuli meriyası 2027-ci ilin əsas Yeni il yolkasının işıqlarının yandırılması və bayram tədbirinin təşkili üçün 94 450 lari dəyərində tender elan edib. 24News.ge xəbər verir ki, tender sənədlərinə əsasən, tədbir çərçivəsində səhnə, işıq və səs sistemləri, LED ekran quraşdırılacaq, lazer şousu və atəşfəşanlıq təşkil olunacaq. Proqramda musiqi kollektivlərinin, DJ-in, illüzionist və akrobatların çıxışları, uşaqlar üçün əyləncələr, animatorlar, foto məkanları və Yeni il sərgi-satışı nəzərdə tutulub. Həmçinin uşaqlara 500 şirniyyat paketi paylanacaq. Tədbir gürcü və Azərbaycan dillərində iki aparıcının təqdimatında keçiriləcək. Qalib şirkət bayram məkanını tədbir günü saat 11:00-dək hazır vəziyyətə gətirməlidir. Şirkətlər tenderdə iştirak üçün noyabrın 22-dən 24-dək müraciət edə bilərlər. Qeyd edək ki, ötən il analoji tədbir üçün 78 191 lari ayrılmışdı. Beləliklə, builki büdcə 16 259 lari, yəni təxminən 20,8% artıb.

www.24news.ge

Marneulidə Yeni il yolkasının işıqlandırılması 94 450 lariyə başa gələcək

Digər xəbərlər