Qardabani sakini Emil İsmayılov Gənclər Yay Olimpiya Oyunlarının qalibi olub (VİDEO)

Seneqalda keçirilən IV Gənclər Yay Olimpiya Oyunlarında Gürcüstan yığmasının üzvü, Qardabani sakini Emil İsmayılov boks üzrə qızıl medal qazanıb. 24News.ge xəbər verir ki, 55 kq çəki dərəcəsində final qarşılaşmasında İsmayılov avstraliyalı Marli Doddi 5:0 hesabı ilə məğlub edərək Gürcüstana yarışlarda ilk qızıl medalı qazandırıb. Emil İsmayılov turnirin ilk görüşündə dominikanlı Maykl Reyesə 4:1, dörddəbir finalda isə livanlı Ramzi Hilala 5:0 hesabı ilə qalib gəlib. Yarımfinalda kanadalı Lisandro Qarsiya Rebelo aldığı zədə səbəbindən mübarizəni davam etdirə bilməyib və İsmayılov finala yüksəlib.

www.24news.ge

Qardabani sakini Emil İsmayılov Gənclər Yay Olimpiya Oyunlarının qalibi olub (VİDEO)

Digər xəbərlər