Batumidə müxalifət partiyalarının qadağan edilməsinə qarşı aksiya keçirilir

Batumi şəhərində Konstitusiya Məhkəməsinin binası qarşısında müxalifət partiyalarının nümayəndələri və vətəndaşlar toplaşmağa başlayıblar. 24News.ge xəbər verir ki, aksiya iştirakçılarının sözlərinə görə, hakim komandanın müxalifət partiyalarını qadağan etmək cəhdi ölkədə konstitusion azadlıqlara qarşı yönəlmiş addımdır. Onların iddiasına görə, bu qərarla Bidzina İvanişvilinin rejimi siyasi böhranın dinc yolla həlli imkanlarını məhdudlaşdırmağa və şəxsi hakimiyyətini möhkəmləndirməyə çalışır. Konstitusiya Məhkəməsinin binası ətrafında hüquq-mühafizə orqanlarının əməkdaşları səfərbər olunub. Qeyd edək ki, oktyabrın 21-də Gürcüstan Konstitusiya Məhkəməsi beş müxalifət partiyasının konstitusiyaya zidd elan edilməsi, qadağan olunması və qeydiyyatlarının ləğvi ilə bağlı hakim komandanın təqdim etdiyi iddiaya baxmağa başlayır. İş üzrə məhkəmə iclaslarının oktyabrın 21, 22 və 23-də keçirilməsi planlaşdırılıb. Konstitusiya Məhkəməsinə təqdim olunan iddianı parlamentin 88 deputatı imzalayıb.

www.24news.ge

Batumidə müxalifət partiyalarının qadağan edilməsinə qarşı aksiya keçirilir

Digər xəbərlər