Tramp: “Zelenski müharibəni başa çatdırmaq istəməlidir, əks halda bu, çox pis olacaq”

ABŞ Prezidenti Donald Tramp Rusiyanın döyüş meydanında irəliləmə tempini azaltmaq əlamətləri göstərmədiyini bildirib. 24News.ge xəbər verir ki, Trampın sözlərinə görə, Rusiya qüvvələri irəliləməyə davam edir. ABŞ Prezidenti eyni zamanda Rusiyanın razılaşma əldə etmək istədiyini iddia edib. O, Ukrayna Prezidenti Volodimir Zelenskinin də müharibəni başa çatdırmaq istəməli olduğunu vurğulayıb: “Ukrayna bu müharibəni bitirmək istəməlidir. Zelenski müharibəni başa çatdırmaq istəməlidir. Əgər bunu istəmirsə, düşünürəm ki, bu, çox pis olacaq”, – deyə Tramp qeyd edib. ABŞ Prezidenti həmçinin Vaşinqtonun Ukraynaya yüz milyardlarla dollar yardım göstərdiyini, lakin bunun müqabilində bahalaşan yanacaq qiymətlərindən başqa heç nə əldə etmədiyini deyib: “Bunun müqabilində dizel yanacağının yüksək qiymətlərindən başqa heç nə əldə etməmişik. İllər ərzində Ukraynaya, demək olar ki, hər hansı digər ölkədən daha çox vəsait ayırmışıq – yüz milyardlarla dollar”, – deyə Donald Tramp bildirib.

www.24news.ge

Tramp: “Zelenski müharibəni başa çatdırmaq istəməlidir, əks halda bu, çox pis olacaq”

Digər xəbərlər