Kobaxidze: "Sarpidən Qırmızı Körpü və Sadaxlıya qədər dörd zolaqlı avtomobil yolu çəkiləcək"

Gürcüstanın məqsədi 2031-ci ilin sonunadək bütün magistral yolların tikintisini tamamlamaqdır. Bu layihələrin tərkib hissələrindən biri də Tbilisi dolama yolunun inşasıdır. 24News.ge xəbər verir ki, bu barədə Baş nazir İrakli Kobaxidze jurnalistlərə açıqlamasında bildirib. Hökumət başçısının sözlərinə görə, plana əsasən, 2030-cu ilədək Sarpi sərhəd-keçid məntəqəsindən Qırmızı Körpüyə və Sadaxlıya qədər fasiləsiz, dörd zolaqlı avtomobil yolu təmin ediləcək: “Bizim aydın məqsədimiz var. Hədəfimiz 2031-ci ilin sonunadək bütün magistral yolların tikintisini tam başa çatdırmaqdır. Tbilisi dolama yolunun inşası da bu layihənin tərkib hissəsidir. Bu yol sərhədlər arasında əlaqənin asanlaşdırılması baxımından mühüm əhəmiyyət daşıyır. Planımıza əsasən, 2030-cu ilədək Sarpidən Qırmızı Körpüyə və Sadaxlıya qədər fasiləsiz, dörd zolaqlı avtomobil yolu təmin ediləcək. Bu magistral Tbilisidən də yan keçəcək və şəhərdə nəqliyyat yükünün azaldılması baxımından böyük əhəmiyyət daşıyır. Buna görə də bu investisiya mütləq həyata keçiriləcək”, – deyə İrakli Kobaxidze bildirib.

www.24news.ge

Kobaxidze: "Sarpidən Qırmızı Körpü və Sadaxlıya qədər dörd zolaqlı avtomobil yolu çəkiləcək"

Digər xəbərlər