Tramp Rusiya və Ukraynanın enerji sahəsində atəşkəs barədə razılığa gəldiyini bildirib

ABŞ prezidenti Donald Tramp Rusiya və Ukraynanın enerji sahəsində atəşkəs barədə razılığa gəldiyini bildirib. 24News.ge xəbər verir ki, o, bu barədə oktyabrın 11-də "Truth Social" sosial şəbəkəsində yazıb və tərəfləri razılaşmaya əməl etməyə çağırıb. Tramp yazıb: "Bu andan etibarən Rusiya ilə Ukrayna arasında müharibədə enerji atəşkəsi mövcuddur. Hər iki tərəf razılığa gəlib. Onu pozmayın! Bu məsələyə diqqət yetirdiyiniz üçün təşəkkür edirəm". Məlumat üçün bildirək ki, sentyabr ayında Ukrayna Prezidenti Volodimir Zelenski Trampa enerji atəşkəsi təklifini təqdim etmişdi. Kiyev Rusiyanın Ukraynanın enerji, su təchizatı və istilik infrastrukturuna hücumlarını dayandıracağı təqdirdə enerji obyektlərinə zərbələri dayandırmağa hazır olduğunu bildirmişdi. Moskva o zaman təklifi rədd etdi. Daha sonra "Kyiv Independent" mənbələrə istinadən yazırdı ki, Rusiya enerji barışığı müqabilində sanksiyaların yüngülləşdirilməsini tələb edir.

www.24news.ge

Tramp Rusiya və Ukraynanın enerji sahəsində atəşkəs barədə razılığa gəldiyini bildirib

Digər xəbərlər