Əmlak vergisi ilə bağlı yeni qərar: 80 mindən çox vətəndaş vergidən azad ediləcək

Gürcüstanda fiziki şəxslər üçün əmlak vergisi üzrə mövcud 40 min lari həddi ləğv ediləcək. Bundan sonra əmlak vergisi yalnız illik gəliri 100 min lari və daha çox olan vətəndaşlara şamil olunacaq. 24News.ge xəbər verir ki, bu barədə parlament çoxluğunun lideri İrakli Kirtsxalia çoxluğun iclasından sonra keçirilən brifinqdə bildirib. Onun sözlərinə görə, qanunvericiliyə dəyişiklik Maliyyə Nazirliyi ilə koordinasiyada hazırlanacaq və parlamentdə sürətləndirilmiş qaydada qəbul ediləcək. Kirtsxalianın sözlərinə görə, dəyişiklik nəticəsində təxminən 81 min vətəndaşın əmlak vergisi ödəmək öhdəliyi aradan qalxacaq. Hazırda Gəlirlər Xidmətinin əmlak vergisi üzrə hesablayıcısında fiziki şəxslərin gəlirləri 40 min lariyə qədər, 40-100 min lari və 100 min laridən çox olmaqla qruplaşdırılır.

www.24news.ge

Əmlak vergisi ilə bağlı yeni qərar: 80 mindən çox vətəndaş vergidən azad ediləcək

Digər xəbərlər