Qaribaşvili həbsxanadan daha bir qalmaqallı məktub yayıb

Keçmiş Baş nazir İrakli Qaribaşvili həbsxanadan göndərdiyi növbəti məktubunda hakimiyyət və keçmiş komanda yoldaşları ilə bağlı yeni açıqlamalar verib. 24News.ge xəbər verir ki, Qaribaşvili Mamuka Mdinaradzenin bu məsələdə “ağır və kobud səhvlərə” yol verdiyini və bunun onun həm vəzifəsindən uzaqlaşdırılmasına, həm də siyasətdən getməsinə səbəb olduğunu bildirib. Onun sözlərinə görə, Mdinaradzenin siyasətdən uzaqlaşdırılması onun və Baş nazir İrakli Kobaxidzenin iştirakı ilə ölkəyə, insanlara və “Gürcü Arzusu” partiyasına vurulduğunu iddia etdiyi “ağır və düzəldilməsi mümkün olmayan zərəri” aradan qaldırmır. Qaribaşvili məktubunda jurnalist Dito Çubindzinin “Asaval-Dasavali” qəzetində dərc olunan məqaləsindən də söz açıb. O bildirib ki, 12 fevralda Kobaxidze və Mdinaradzenin tapşırığı ilə ona 2 fevral 2026-cı il tarixli qəzetin həmin məqaləsi göndərilib. Məqalədə keçmiş hüquq müdafiəçisi Lazare Corbenadze ilə müsahibə yer alıb və əsasən İrakli Kobaxidze tənqid edilib. Qaribaşvilinin sözlərinə görə, ona məqalənin arxasında özünün dayana biləcəyi ilə bağlı şübhə ifadə edən mesaj göndərilib. O isə bu ittihamları rədd etdiyini və belə sifarişli məqalələrin onun fəaliyyət üslubuna xas olmadığını bildirib. Keçmiş Baş nazir daha sonra Lazare Corbenadzenin ölümünə toxunub. Onun sözlərinə görə, jurnalist Dito Çubindzinin məqaləsinə müsahibə verən Corbenadze məqalənin yayımlanmasından müəyyən müddət sonra intihar edib. Qaribaşvili həmçinin “Asaval-Dasavali” qəzetinin Corbenadzenin ölümü ilə bağlı intihar versiyasını şübhə altına aldığını və bu məsələ ilə bağlı suallar səsləndirdiyini qeyd edib. “Lazare Corbenadzenin ölümünün əsl səbəbi nə olub?” – deyə Qaribaşvili sual edib. O, həmçinin Kobaxidze-Mdinaradze hakimiyyəti dövründə bir sıra insanların intihar etməsi ilə bağlı cəmiyyətdə hələ də cavabsız sualların qaldığını bildirib.

www.24news.ge

Qaribaşvili həbsxanadan daha bir qalmaqallı məktub yayıb

Digər xəbərlər