Müxalifət nümayəndəsi Ramal Əhmədov həbs olunmaqla hədələndiyini iddia edib

Müxalif Vahid Milli Hərəkatın üzvü Ramal Əhmədov Marneuli meri Daur İsmayılovun yaxın qohumu Zakir Sadiqov tərəfindən həbs olunmaqla hədələndiyini iddia edib. 24News.ge xəbər verir ki, bu barədə Əhmədov sosial şəbəkədə paylaşım edib. Siyasətçi bildirib ki, Sadiqov onun paylaşdığı videonun altında təxribat xarakterli şərhlər yazır və yaxın zamanda həbs ediləcəyini, onun həbsxanaya göndəriləcəyini bildirib: “Videomun altında təxribat yaradır, məni Marneuli meri Daur İsmayılovun yaxın qohumu Zakir Sadiqov hədələyir. Yazır ki, yaxın gələcəkdə məni həbs edib həbsxanaya aparacaqlar”, – deyə Əhmədov bildirib. Ramal Əhmədov həmçinin aidiyyəti qurumlara müraciət edərək, onun avtomobilində, evində və ya başqa yerdə hər hansı qanunsuz əşya aşkar ediləcəyi təqdirdə, bunun arxasında “Gürcü Arzusu”, Marneuli meri Daur İsmayılov və onun qohumu Zakir Sadiqovun dayanacağını iddia edib. O, aidiyyəti qurumları əvvəlcədən məlumatlandırdığını qeyd edib.

www.24news.ge

Müxalifət nümayəndəsi Ramal Əhmədov həbs olunmaqla hədələndiyini iddia edib

Digər xəbərlər