İran və Oman Hörmüz boğazı ilə bağlı razılığa gəliblər

İran və Oman Hörmüz boğazında dəniz nəqliyyatının bərpası ilə bağlı razılığa gəlib. Ərəb mediası “Al-Hadath” diplomatik mənbəyə istinadən xəbər verir ki, yaxın günlərdə rəsmi şəkildə elan oluna biləcək bu razılaşma hazırda İranın Milli Təhlükəsizlik Ali Şurasının təsdiqini gözləyir. Məlumata görə, Hörmüz boğazı ilə bağlı razılaşma 60 gün müddətində qüvvədə olacaq. Bu çərçivədə boğaza daxil olan gəmilər İrana ən yaxın dəniz zolağından, boğazdan çıxan gəmilər isə Oman Sultanlığına ən yaxın dəniz zolağından istifadə edəcəklər. Bildirilir ki, təklif olunan razılaşma gəmilər üçün tranzit və ya xidmət haqlarının tətbiqini nəzərdə tutmur. Mənbə həmçinin qeyd edib ki, region ölkələri boğazın minalardan təmizlənməsi və təhlükəsiz naviqasiyanın təmin edilməsi üçün zəruri texniki tədbirlərdə iştirak edə bilərlər.

www.24news.ge

İran və Oman Hörmüz boğazı ilə bağlı razılığa gəliblər

Digər xəbərlər