Rusiya-Gürcüstan müharibəsindən 18 il ötür (FOTO)

Rusiyanın Gürcüstana hərbi müdaxiləsinin başlamasından 18 il ötür. 24News.ge xatırladır ki, 2008-ci il avqustun 7-dən 8-nə keçən gecə başlayan Rusiya–Gürcüstan müharibəsi 5 gün davam edib. Hərbi əməliyyatlar zamanı Gürcüstanın 408 vətəndaşı həlak olub. Onlardan 170-i hərbçi, 14-ü Daxili İşlər Nazirliyinin əməkdaşı, 224-ü isə dinc sakin olub. Ümumilikdə 2 232 nəfər yaralanıb, 26 min nəfər isə qaçqın vəziyyətinə düşüb. Beş günlük müharibə Rusiya tərəfindən Gürcüstan ərazilərinin işğalı, daha sonra isə Abxaziya və Çxinvali bölgələrindəki qondarma qurumların “müstəqilliklərinin” tanınması ilə nəticələnib. Buna cavab olaraq rəsmi Tbilisi Moskva ilə diplomatik əlaqələri dayandırıb və hər iki bölgəni işğal olunmuş ərazi elan edib. Hazırda Gürcüstan ərazisinin 20 faizi hələ də Rusiyanın işğalı altındadır.

www.24news.ge

Rusiya-Gürcüstan müharibəsindən 18 il ötür (FOTO)

Digər xəbərlər