Tbilisidə Pərixanım Sofiyeva haqqında komikslər dərc olundu

Diasporla İş üzrə Dövlət Komitəsinin layihələri çərçivəsində Tbilisidə fəaliyyət göstərən “Alyans” Gənclər Mərkəzinin təşəbbüsü və Tbilisi Meriyaslnln “Mirabaldebi” QHT-yə göstərdiyi maliyyə dəstəyilə 1918-ci ildə Gürcüstan Demokratik Respublikası dövründə Tiflis qəzasının Qaracalar kəndindən müstəqil (bitərəf) namizəd kimi yerli özünüidarəetmə orqanına (Ersoba) deputat seçilmiş, bu addımla o, Şərq dünyasında demokratik seçki yolu ilə hakimiyyətə gələn ilk müsəlman qadın kimi tarixə düşmüş Gürcüstanın ictimai-siyasi xadimi Pərixanım Sofiyevaya həsr olunmuş Azərbaycan və gürcü dillərində komikslər dərc olunub. Layihənin rəhbəri Nino Salukvadze bildirib ki, “Mirabaldlar”güclü qadınların hekayələrini araşdırıb cəmiyyətə tanıtmağı qarşısına məqsəd qoyan qeyri-hökumət təşkilatıdır. Layihə Gürcüstanın Birnci Respublikası dövründə siyasi həyatda fəal iştirak edən qadınların hekayələrini araşdırıb gürcü ictimaiyətinin ixtiyarına verir. Onların arasında kənd deputatı və öz dövrü üçün demoktatık yolla seçilmiş ilk müsəlman qadınlarda biri olan Pərixanım Sofiyeva da var. Onun haqqında hazırlanmış komiks bu fəaliyyətin davamıdır. Qeyd etmək istərdim ki, Birləşmiş Millətlər Təşkilatı (BMT) Mirabal bacılarının öldürüldüyü günün xatirəsinə 25 Noyabr tarixini "Qadınlara Qarşı Zorakılıqla Beynəlxalq Mübarizə Günü" elan etmişdir. “Mirabaldlar” adımız da məhz bu qəhrəman bacıların xatirəsini yaşatmaq və bu minvalla ölkəmizin ictimai - siyasi həyatında iz qoymuş qadınlarımızın həyatını geniş ictimai auditoriyasına tanıtmaqdır. Layihənin təşəbbüskarı“Alyans” Gənclər Mərkəzinin icraçı dürektoru Rəna Hüseynova bildirmişdir ki, Pərixanım Sofiyeva demoktatık yolla seçilmlşm ilk müsəlman deputatıdır. Bundan əlavə o, aktiv siyasətçi, xeyriyyəçi və maarifçi olub. O, öz doğma kəndinin inkişafı öçün əlindən gələni edib. Öz hesabına dəmiryol stansiyasl və kimsəsiz uşaqlar evi tikdirib. Ömrünün sonuna qədər gənclərə dəstək olub və onların təhsil almağı uğrunda mübarizə aparıb. Komikslərdə “Alyans” Gənclər Mərkəzinin loqosu da yerləşdirilib, buna görə də komikslər Gürcüstandakl Azərbaycandilli məktəblərə hədiyyə olunub. Bu cür təşəbbüslər iki xalq arasında əsrlər boyu mövcud olan dostluq və qonşuluq münasibətlərini daha da möhkəmləndirir, ortaq mədəni dəyərlərin gələcək nəsillərə çatdırılmasında mühüm körpü rolu oynayır.

www.24news.ge

Tbilisidə Pərixanım Sofiyeva haqqında komikslər dərc olundu

Digər xəbərlər