Gediş haqqı mübahisəsi zamanı azyaşlı taksi sürücüsünü bıçaqlayıb

Tbilisidə azyaşlı şəxs soyuq silahdan istifadə edərək taksi sürücüsünə ağır xəsarət yetirib. 24News.ge xəbər verir ki, Daxili İşlər Nazirliyinin məlumatına görə, hadisə gediş haqqı ilə bağlı sürücü ilə azyaşlı sərnişin arasında yaranan mübahisə nəticəsində baş verib. İstintaqla müəyyən edilib ki, münaqişə zamanı şübhəli şəxs bıçaqdan istifadə edərək taksi sürücüsünə ağır xəsarət yetirib və hadisə yerindən qaçıb. Hüquq-mühafizə orqanlarının keçirdiyi əməliyyat-axtarış tədbirləri nəticəsində azyaşlı şəxs saxlanılıb. Polis cinayətdə istifadə olunan bıçağı maddi sübut kimi götürüb. Faktla bağlı araşdırma Cinayət Məcəlləsinin 117-ci maddəsinin birinci hissəsi ilə aparılır. Həmin maddə 7 ilədək azadlıqdan məhrumetmə cəzasını nəzərdə tutur.

www.24news.ge

Gediş haqqı mübahisəsi zamanı azyaşlı taksi sürücüsünü bıçaqlayıb

Digər xəbərlər