Kobaxidze: "Çin sülhsevər dövlətdir, Çinlə tərəfdaşlıq Gürcüstan üçün xüsusi əhəmiyyət daşıyır"

Baş nazir İrakli Kobaxidze bildirib ki, Çinlə tərəfdaşlıq və dostluq münasibətləri Gürcüstan üçün xüsusi strateji əhəmiyyət kəsb edir. 24News.ge xəbər verir ki, Baş nazir bu barədə Tbilisi–Şanxay arasında birbaşa müntəzəm aviareyslərin açılışına həsr olunmuş tədbirdə çıxışı zamanı danışıb. Kobaxidzenin sözlərinə görə, son illərdə Gürcüstan və Çin arasında münasibətlər sürətlə inkişaf edir və təxminən iki il əvvəl imzalanmış strateji tərəfdaşlıq sazişi artıq konkret nəticələr verib. Baş nazir qeyd edib ki, bu yaxınlarda iki ölkə arasında Hərtərəfli Strateji Tərəfdaşlıq Sazişi də imzalanıb: "Çinlə tərəfdaşlıq, dostluq və əməkdaşlıq bizim üçün xüsusi əhəmiyyət daşıyır. Çin sülhsevər dövlətdir və tam şəkildə inkişafa, modernləşməyə və tərəqqiyə yönəlib. Çin bütün sahələrdə böyük uğurlar əldə edib və bu, Çin rəhbərliyinin, Prezident Si Cinpinin müdrik siyasətinin nəticəsidir", – deyə Kobaxidze bildirib. Baş nazir vurğulayıb ki, Gürcüstan hökuməti iki ölkə arasında siyasi, iqtisadi, təhsil və mədəniyyət sahələrində əməkdaşlığın daha da genişlənməsi üçün bütün imkanlardan istifadə edir. Onun sözlərinə görə, Tbilisi–Şanxay arasında birbaşa aviareyslərin başlaması Gürcüstan və Çin arasında əlaqələrin inkişafına mühüm töhfə verəcək.

www.24news.ge

Kobaxidze: "Çin sülhsevər dövlətdir, Çinlə tərəfdaşlıq Gürcüstan üçün xüsusi əhəmiyyət daşıyır"

Digər xəbərlər