Türkiyənin səfiri Dini Məsələlər üzrə Dövlət Agentliyinin sədri ilə görüşüb (FOTO)

Dini Məsələlər üzrə Dövlət Agentliyinin sədri Zaza Vaşakmadze Türkiyənin Gürcüstandakı fövqəladə və səlahiyyətli səfiri Mustafa Türker Arı ilə görüş keçirib. 24News.ge xəbər verir ki, bu barədə Dini Məsələlər üzrə Dövlət Agentliyi məlumat yayıb. Məlumata görə, görüşdə Türkiyənin dini məsələlər üzrə attaşesi Mahmut Göl də iştirak edib. Gürcüstan Hökumət Administrasiyasında keçirilən görüş zamanı Zaza Vaşakmadze qonağa Agentliyin fəaliyyəti barədə məlumat verib. O, dini azlıqların, o cümlədən Gürcüstan müsəlman icmasının hüquqlarının qorunması, maliyyə dəstəyinin artırılması, ibadət yerlərinə maneəsiz çıxışın təmin edilməsi məsələlərindən danışıb. Bundan əlavə, görüşdə Gürcüstanın işğal altında olan ərazilərində dini hüquqların pozulması faktlarına da diqqət çəkilib. Türkiyənin Gürcüstandakı səfiri Mustafa Türker Arı göstərilən qonaqpərvərliyə və təqdim olunan ətraflı məlumata görə Agentliyin rəhbərliyinə təşəkkürünü bildirib.

www.24news.ge

Türkiyənin səfiri Dini Məsələlər üzrə Dövlət Agentliyinin sədri ilə görüşüb (FOTO)

Digər xəbərlər