Azərbaycan və Slovakiya prezidentləri Şuşada mətbuata bəyanatlarla çıxış ediblər (VİDEO)

Azərbaycan Prezidenti İlham Əliyev və Slovakiya Prezidenti Peter Pelleqrini iyulun 14-də Şuşada mətbuata birgə bəyanatlarla çıxış ediblər. 24News.ge xəbər verir ki, İlham Əliyev Azərbaycan ilə Slovakiya arasında siyasi, iqtisadi, enerji və hərbi-texniki sahələrdə əməkdaşlığın uğurla inkişaf etdiyini bildirib. O, Slovakiyanın Qarabağın bərpasında fəal iştirak etdiyini vurğulayaraq, Ağdam rayonunun Baş Qərvənd kəndində slovak şirkəti tərəfindən həyata keçirilən "Ağıllı kənd" layihəsini yüksək qiymətləndirib. Peter Pelleqrini isə Qarabağda qısa müddətdə görülən yenidənqurma işlərini yüksək dəyərləndirib və Slovakiya şirkətlərinin bu prosesdə iştirakından məmnunluğunu ifadə edib. O, Azərbaycanı regionda sabitliyin və inkişafın mühüm təminatçısı adlandıraraq, enerji, iqtisadiyyat, nəqliyyat və təhlükəsizlik sahələrində əməkdaşlığın daha da genişlənəcəyinə əminliyini bildirib. Slovakiya Prezidenti həmçinin oktyabrdan etibarən iki ölkə arasında birbaşa aviareyslərin başlayacağını, biznes əlaqələrinin inkişaf etdirilməsi istiqamətində yeni addımların atılacağını və Slovakiyanın 2027–2028-ci illərdə NATO-nun Azərbaycandakı Əlaqələndirici Səfirliyi funksiyasını davam etdirəcəyini qeyd edib.

www.24news.ge

Azərbaycan və Slovakiya prezidentləri Şuşada mətbuata bəyanatlarla çıxış ediblər (VİDEO)

Digər xəbərlər