Müxalifət lideri terror aktına cəhd işi üzrə təqsirli bilinib – 13 il həbs cəzası alıb

Gürcüstanda terror aktı törətməyə cəhddə ittiham olunaraq saxlanılan "Güclü Gürcüstan – Lelo" siyasi birliyinin liderlərindən Aleko Elisaşvili məhkəmənin qərarı ilə təqsirli bilinib. 24News.ge xəbər verir ki, hakim Giorgi Gelaşvilinin qərarına əsasən, siyasətçi 13 il müddətinə azadlıqdan məhrum edilib. İttiham Tbilisi Şəhər Məhkəməsinin dəftərxana binasında baş vermiş hadisə ilə bağlıdır. Məlumata görə, həmin vaxt Mandatur Xidmətinin əməkdaşları Aleko Elisaşvilinin hərəkətlərinin qarşısını alıb, daha sonra isə o, hüquq-mühafizə orqanlarının əməkdaşları tərəfindən saxlanılıb. Qeyd edək ki, Aleko Elisaşviliyə Cinayət Məcəlləsinin 19-323-cü maddəsinin 1-ci hissəsi ilə – terror aktı törətməyə cəhd ittihamı irəli sürülüb. Bu maddə 10 ildən 15 ilədək azadlıqdan məhrumetmə cəzasını nəzərdə tutur. Bundan başqa, Elisaşviliyə Cinayət Məcəlləsinin 323-cü maddəsinin 1-ci hissəsi ilə daha bir ittiham irəli sürülüb. Həmin maddə terror məqsədilə törədilən partlayış, yanğın, silahlı hücum və ya insanların həyatına, əmlaka və ictimai təhlükəsizliyə ciddi təhdid yaradan digər əməlləri əhatə edir və 10 ildən 15 ilədək həbs cəzasını nəzərdə tutur.

www.24news.ge

Müxalifət lideri terror aktına cəhd işi üzrə təqsirli bilinib – 13 il həbs cəzası alıb

Digər xəbərlər