Aysun Quliyevanın ölümü ilə bağlı ailəsindən ağır ittihamlar: "Bu, intihar deyil" (VİDEO)

Marneuli bələdiyyəsinin Yuxarı Saral kənd sakini, 23 yaşlı Aysun Quliyevanın faciəvi şəkildə vəfat etməsi ilə bağlı yaxınları baş verən hadisəni şərh ediblər. 24News.ge xəbər portalına müsahibə verən Aysun Quliyevanın valideynləri qızlarının intihar etmədiyini, qətlə yetirildiyini iddia edirlər. Onların sözlərinə görə, bu iddianı təsdiqləyən kifayət qədər sübut və dəlillər mövcuddur. Ailənin iddiasına görə, Aysun Quliyevanın Tbilisidə kirayədə qaldığı mənzildəki otaq yoldaşlarının hadisədə iştirak etməsi ilə bağlı əsaslı şübhələr var. Bununla bağlı polisə də məlumat verilib. Yaxınlarının sözlərinə görə, onlar Aysun Quliyeva ilə ölümündən əvvəl danışıblar və onun nə danışığında, nə də davranışlarında hər hansı qeyri-adi hal müşahidə etməyiblər. Hadisədən sonra gecə saat 2 radələrində ailə üzvlərinə zəng edilərək qızlarının hamam otağında asılı vəziyyətdə olduğu bildirilib. Aysun Quliyevanın atası Tural Quliyev iddia edir ki, onunla birlikdə çalışan bir şəxs onu cinayətkar aləmlə əlaqəli şəxslərə satıb və onun adına borc yazılmasında iştirak edib. Tural Quliyev bildirib ki, özü və ailəsi uzun müddətdir təhdidlər alır. Onun sözlərinə görə, bununla bağlı hüquq-mühafizə orqanlarına da müraciət edilib. Mövzu ilə bağlı daha ətraflı əməkdaşlarımızın hazırladığı reportajı təqdim edirik:

www.24news.ge

Aysun Quliyevanın ölümü ilə bağlı ailəsindən ağır ittihamlar: "Bu, intihar deyil" (VİDEO)

Digər xəbərlər