Ukrayna səfirliyi qarşısında aksiya iştirakçıları ilə polis arasında qarşıdurma yaşanıb

Ukraynanın Gürcüstandakı səfirliyi qarşısında Ukraynaya dəstək aksiyası keçirilib. Aksiya zamanı iştirakçılarla polis əməkdaşları arasında qarşıdurma yaşanıb. 24News.ge xəbər verir ki, aksiya iştirakçıları yolun hərəkət hissəsinə çıxaraq Ukrayna bayrağını açmaq istəyiblər. Lakin polis onların yola çıxmasına icazə verməyib. Aksiya iştirakçılarının sözlərinə görə, yolun hərəkət hissəsinin müvəqqəti tutulması ilə bağlı müvafiq müraciəti əvvəlcədən təqdim ediblər. Buna baxmayaraq, polis onların yola çıxmasına imkan verməyib. “Biz buraya Ukrayna xalqına dəstəyimizi ifadə etmək üçün gəlmişik. Polis isə Gürcüstan Konstitusiyasını məhdudlaşdırır, hətta bayraqlarımızı açmağa belə icazə vermir”, – deyə aksiya iştirakçılarından biri bildirib. Hadisə yerinə əlavə polis qüvvələri cəlb olunub. Aksiya iştirakçıları həmrəylik yürüşünü yolun hərəkət hissəsi əvəzinə səki ilə davam etdiriblər.

www.24news.ge

Ukrayna səfirliyi qarşısında aksiya iştirakçıları ilə polis arasında qarşıdurma yaşanıb

Digər xəbərlər