G7 ölkələri Rusiyaya qarşı sanksiyaların sərtləşdirilməsi barədə razılığa gəlib

G7 (Böyük Yeddilik) ölkələrinin liderləri Rusiyaya qarşı sanksiyaların daha da sərtləşdirilməsi barədə razılıq əldə ediblər. 24News.ge xəbər verir ki, bu barədə "Financial Times" nəşri məlumat yayıb. Məlumata görə, Fransada keçirilən sammit zamanı liderlər Rusiyaya təzyiqin artırılması və Moskvanın hərbi fəaliyyətlərini maliyyələşdirməsi üçün əsas gəlir mənbələri hesab olunan neft və qaz ixracına qarşı əlavə məhdudiyyətlərin tətbiqini müzakirə edərək ortaq mövqeyə gəliblər. Razılaşma Ukrayna Prezidenti Volodimir Zelenskinin də iştirak etdiyi danışıqlar raundundan sonra əldə olunub. Nəşrin həmsöhbətlərindən birinin sözlərinə görə, tərəflər Rusiyanın enerji sektoruna qarşı sanksiyaların sərtləşdirilməsi yolu ilə iqtisadi təzyiqin gücləndirilməsini dəstəkləyiblər. Bildirilir ki, ABŞ və İran arasında mümkün sülh sazişi perspektivinin qlobal bazarlarda neft və qaz qiymətlərinin enməsinə təsir göstərməsi də razılığın əldə olunmasına şərait yaradıb. Bu amil Rusiyanın enerji ixracına qarşı yeni məhdudiyyətlərin tətbiqini G7 ölkələri üçün daha məqbul edib. Nəşir qeyd edir ki, nəzərdə tutulan yeni sanksiyaların əsas məqsədi Rusiyanın enerji gəlirlərini azaltmaq və Kreml üzərində iqtisadi təzyiqi daha da artırmaqdır.

www.24news.ge

G7 ölkələri Rusiyaya qarşı sanksiyaların sərtləşdirilməsi barədə razılığa gəlib

Digər xəbərlər