İliya Topuriyanın səhhəti ilə bağlı son vəziyyət açıqlanıb

İspaniyanın Marca nəşri UFC döyüşçüsü İliya Topuriyanın səhhəti ilə bağlı yayılan məlumatlara aydınlıq gətirib. 24News.ge xəbər verir ki, nəşrin məlumatına görə, sosial şəbəkələrdə travma aldığı və əməliyyat oluna biləcəyi ilə bağlı yayılan xəbərlərə baxmayaraq, İliya Topuriya özünü yaxşı hiss edir. Qeyd olunub ki, idmançının üz nahiyəsində aldığı zədə ilə bağlı ciddi problem qeydə alınmayıb və onun vəziyyəti narahatlıq doğurmur. Xatırladaq ki, UFC-nin yüngül çəki dərəcəsində çempionluq kəməri uğrunda Justin Gaethje ilə keçirilən döyüşdə İliya Topuriyanın məğlubiyyətindən sonra təşkilatın prezidenti Dana Uayt onun sağlamlıq durumu barədə danışmışdı. “Mən həkim deyiləm, amma gözünə baxanda düşünürəm ki, ola bilsin göz yuvası sümüyü sınıb. Lakin bu təsdiqlənmiş fakt deyil, sadəcə ehtimalımdır”, – deyə Dana Uayt bildirmişdi. Məlumat üçün bildirək ki, UFC-nin yüngül çəki dərəcəsində çempionluq kəməri uğrunda keçirilən döyüşdə İspaniya təmsilçisi, gürcü əsilli döyüşçü Ilia Topuria amerikalı rəqibi Justin Gaethjeyə məğlub olub.

www.24news.ge

İliya Topuriyanın səhhəti ilə bağlı son vəziyyət açıqlanıb

Digər xəbərlər