Məhərrəm ayının başlanması ilə bağlı din xadimlərindən mühüm çağırış (VİDEO)

Sabah, 16 iyun tarixində bütün İslam aləmində Məhərrəm ayı başlayır. Məhərrəm ayı dərin mənəvi məna daşıyan, birlik, fədakarlıq və haqq uğrunda mübarizə kimi dəyərləri xatırladan müqəddəs aylardan biridir. Bu günlərdə müsəlmanlar xüsusilə Kərbəla hadisələrini yad edir, İmam Hüseynin (ə) və onun əhli-beytinin göstərdiyi qəhrəmanlıq, səbir və əzmkarlıqdan bəhs edirlər. Din xadimləri bildirirlər ki, hər il olduğu kimi, bu il də Gürcüstanın müxtəlif bölgələrində Məhərrəm ayının başlanması və Kərbəla şəhidlərinin əziz xatirəsinin yad edilməsi ilə bağlı mərasim və tədbirlər xüsusi şəkildə qeyd olunacaq. Onların sözlərinə görə, son illərdə Gürcüstanda gənclərin Məhərrəm günlərində İmam Hüseynin (ə) adına ehsan məclisləri təşkil etmələri də geniş vüsət alıb və artıq gözəl bir ənənəyə çevrilib. Din xadimləri Məhərrəm ayının mahiyyəti, bu günlərin dini və mənəvi əhəmiyyəti, insanlara aşıladığı dəyərlər, eləcə də Kərbəla məktəbinin müasir dövr üçün verdiyi mesajların böyük əhəmiyyət daşıdığını vurğulayıblar. Mövzu ilə bağlı daha ətraflı əməkdaşlarımızın hazırladığı reportajı təqdim edirik:

www.24news.ge

Məhərrəm ayının başlanması ilə bağlı din xadimlərindən mühüm çağırış (VİDEO)

Digər xəbərlər