Böyük Muğanlı kəndində bıçaqlanma hadisəsi qeydə alınıb

13 iyun tarixində Marneuli bələdiyyəsinin Böyük Muğanlı kəndində bıçaqlanma hadisəsi baş verib. 24News.ge xəbər portalının sorğusuna cavab olaraq Daxili İşlər Nazirliyindən bildirilib ki, faktla bağlı Cinayət Məcəlləsinin 117-ci maddəsi ilə istintaq başlanılıb. Qeyd olunub ki, hadisədə iştirak edən hər iki şəxsə ittiham irəli sürülüb və onların müalicəsi başa çatdıqdan sonra saxlanılmaları nəzərdə tutulur. Məlumata görə, hadisə Böyük Muğanlı kəndində toy mərasimindən bir gün əvvəl təşkil olunmuş şənlik zamanı baş verib. Belə ki, musiqi sifarişi ilə bağlı tərəflər arasında mübahisə yaranıb. Sonradan sözlü mübahisə qanlı insidentə çevrilib. Orta yaşlı iki nəfər arasında baş verən dava zamanı tərəflər bir-birinə bıçaqla xəsarət yetiriblər.

www.24news.ge

Böyük Muğanlı kəndində bıçaqlanma hadisəsi qeydə alınıb

Digər xəbərlər