Tbilisidə 2028-2029-cu illərdə təhvil veriləcək layihələrdə mənzillərin 55%-i artıq satılıb

Tbilisidə daşınmaz əmlak bazarında 2026-cı ilin aprel ayında mənzil satışları son illərin ən yüksək göstəricilərindən birinə çatıb. 24News.ge xəbər verir ki, bu barədə “Galt & Taggart” şirkətinin son araşdırmasında məlumat verilir. Araşdırmaya əsasən, 2026-cı ilin aprelində mənzil bazarında satışlar 2022-ci ildən bəri aylıq göstəricilər üzrə üçüncü ən yüksək səviyyəyə yüksəlib. Eyni zamanda, təkrar bazarda da satışlar yüksək səviyyədə qalıb və ötən ilin müvafiq dövrü ilə müqayisədə əhəmiyyətli artım qeydə alınıb. Mütəxəssislər bunu qismən ötən ilin aşağı baza effekti ilə izah edirlər. Gürcüstanın İctimai Reyestr məlumatlarına görə, aprel ayında Tbilisidə ümumilikdə 3 641 mənzil satılıb. Qiymətlərə gəlincə, bazarda mənzillərin qiymət artımı tempi yavaşıyıb. Apreldə bir kvadratmetrin orta qiyməti aylıq müqayisədə 0,4% artaraq 1 408 ABŞ dollarına çatıb. Təkrar bazarın yeni layihələrində isə (2013-cü ildən sonra verilmiş tikinti icazələri əsasında inşa olunan binalar) qiymətlər bir ay ərzində 5% artaraq 1 371 ABŞ dolları təşkil edib. Araşdırmanın diqqətçəkən nəticələrindən biri də odur ki, 2028-2029-cu illərdə tamamlanması nəzərdə tutulan yaşayış layihələrindəki mənzillərin artıq 55%-i satılıb. Tikinti layihələrində mənzil fondunun tamamlanma ilinə görə bölgüsü belədir: 2026-cı ildə təhvil veriləcək layihələrdə mənzillərin 77%-i satılıb, 23%-i satışdadır; 2027-ci ildə təhvil veriləcək layihələrdə mənzillərin 64%-i satılıb, 36%-i satışdadır; 2028-2029-cu illərdə təhvil veriləcək layihələrdə isə mənzillərin 55%-i satılıb, 45%-i hələ də satış üçün mövcuddur. Məlumatlar Tbilisidə mənzil bazarında tələbatın yüksək olaraq qaldığını və alıcıların gələcək illərdə tamamlanacaq layihələrə də aktiv maraq göstərdiyini ortaya qoyur.

www.24news.ge

Tbilisidə 2028-2029-cu illərdə təhvil veriləcək layihələrdə mənzillərin 55%-i artıq satılıb

Digər xəbərlər