Tbilisidə təntənəli Novruz şənliyi baş tutub (FOTO)

Tbilisinin mərkəzində Novruz bayramına həsr olunmuş tədbir keçirilib. 24News.ge xəbər verir ki, tədbir Tbilisi Meriyası, Gürcüstan Azərbaycanlılarının Ağsaqqallar Şurası və Mirzə Fətəli Axundzadə adına Azərbaycan Mədəniyyəti Muzeyinin təşkilatçılığı ilə baş tutub. Tədbirdə Tbilisi meri Kaxa Kaladze, Azərbaycanın Gürcüstandakı səfiri Faiq Quliyev, Qazaxıstan, Türkmənistan və Türkiyə səfirləri, həmçinin Gürcüstanın Reinteqrasiya naziri iştirak ediblər. Bayram şənlikləri çərçivəsində Azərbaycanın Gürcüstandakı səfiri Faiq Quliyev və digər qonaqlar Novruzun adətlərindən biri olan yumurta döyüşdürmə mərasiminə qatılıblar. Tədbir çərçivəsində Novruza aid müxtəlif sərgilərə də baxış keçirilib. Mərasimdə Gürcüstanda yaşayan azərbaycanlı icmasının nümayəndələri, mədəniyyət xadimləri və rəsmi şəxslər iştirak edərək, Novruzun əhəmiyyətindən danışıb və bayram münasibətilə təbriklərini çatdırıblar. Tbilisi Meriyası tərəfindən təşkil edilən tədbirdə Novruzun simvolları nümayiş etdirilib, baharın gəlişi musiqi və rəqslərlə qeyd olunub. Tədbirin sonunda iştirakçılar milli yeməklərdən dadaraq bayramın ab-havasını birlikdə yaşayıblar.

www.24news.ge

Tbilisidə təntənəli Novruz şənliyi baş tutub (FOTO)

Digər xəbərlər