სასწრაფოდ: პიროვა ზაირა ნაზიმის ქალიშვილი იძებნება

პიროვა ზაირა ნაზიმოვნა (ნაზიმის ქალიშვილი), რომელიც დერბენტის რაიონის სოფელ დრუჟბაში ცხოვრობდა, ვლადიკავკაზის რაიონში გაუჩინარდა, სადაც სასწავლებლად იყო წასული. საინფორმაციო პორტალ 24News.ge-ს მშობლების მიერ მოწოდებულ ინფორმაციით, ზაირა ვლადიკავკაზის სამედიცინო კოლეჯის მე-2 კურსის სტუდენტი იყო. გავრცელებული ინფორმაციით, ზაირა კოლეჯში წასასვლელად სახლიდან მიმდინარე წლის 9 სექტემბერს გავიდა და სახლში აღარ დაბრუნებულა. მომხდარის შემდეგ ოჯახის წევრებმა ჩათვალეს, რომ იგი ქორწინების მიზნით გაიტაცეს და დაახლოებით 3 თვე ეძებდნენ. მას შემდეგ რაც შედეგი ვერ მიიღეს, აცნობეს სამართალდამცავებს. მიღებული ინფორმაციით, ზაირა პიროვა 21 დეკემბერს მოსკოვის აეროპორტიდან ერევნის აეროპორტის მიმართულებით გაფრინდა. იგი ის 22 დეკემბერს სომხეთიდან საბაჟო გამშვები პუნქტი "სადახლოს" გავლით საქართველოში შემოვიდა. საქართველოს სამართალდამცავი ორგანოების თანამშრომლების მიერ ახლობლებისთვის მოწოდებული ინფორმაციით, გოგონას ოფიციალურად არ დაუტოვებია საქართველოს ტერიტორია. აღსანიშნავია, რომ პიროვა ზაირას მშობლები დერბენტის რაიონის სოფელ დრუჟბაში ცხოვრობენ, ოჯახის ორი ქალიშვილი კი, სასწავლებლიდან გამომდინარე ვლადიკავკაზში ცხოვრობენ. პიროვა ზაირას მშობლები სთხოვენ მათ, ვინც მათ ქალიშვილს დაინახავს, შეატყობინონ ჩვენს რედაქციას. ტელეფონი: +995 571798989.

www.24news.ge

სასწრაფოდ: პიროვა ზაირა ნაზიმის ქალიშვილი იძებნება

სხვა სიახლეები