ბოლო წუთი! სახელმწიფო უსაფრთხოების სამსახურის ხელმძღვანელმა გელა გელაძემ თანამდებობიდან გადადგა

საქართველოს სახელმწიფო უსაფრთხოების სამსახურის ხელმძღვანელი გელა გელაძე თანამდებობიდან გადადგა. 24News.ge იუწყება, რომ გელაძემ გადაწყვეტილების შესახებ თავად სოციალურ ქსელში გაავრცელა ინფორმაცია. მისი თქმით, საქმიანობას სხვა სახელმწიფო უწყებაში გააგრძელებს. გელაძე 2026 წლის მაისშიც ოფიციალურ დოკუმენტებში სახელმწიფო უსაფრთხოების სამსახურის ხელმძღვანელად იყო მოხსენიებული. გელაძის თქმით, გადაწყვეტილება პოლიტიკურ გუნდთან კონსულტაციების შემდეგ იქნა მიღებული. მან განაცხადა, რომ ახალ თანამდებობაზეც ქვეყნისა და საზოგადოების ინტერესებს მოემსახურება. გელაძემ სახელმწიფო უსაფრთხოების სამსახურში მუშაობის პერიოდი დიდ პასუხისმგებლობად შეაფასა და უწყების თანამშრომლებს პროფესიონალიზმისთვის მადლობა გადაუხადა. მან ასევე მადლობა გადაუხადა პოლიტიკურ გუნდს, განსაკუთრებით პარტიის საპატიო თავმჯდომარე ბიძინა ივანიშვილსა და პრემიერ-მინისტრ ირაკლი კობახიძეს, გამოჩენილი ნდობისთვის. აღსანიშნავია, რომ გელა გელაძემ 10 სექტემბერს ჩინეთში აზერბაიჯანის სახელმწიფო უსაფრთხოების სამსახურის ხელმძღვანელ ალი ნაგიევთან შეხვედრა გამართა. შეხვედრაზე რეგიონული და საერთაშორისო უსაფრთხოების საკითხები განიხილეს.

www.24news.ge

ბოლო წუთი! სახელმწიფო უსაფრთხოების სამსახურის ხელმძღვანელმა გელა გელაძემ თანამდებობიდან გადადგა

სხვა სიახლეები