მთავრობა სახელმწიფო გრანტების მართვის სააგენტოს აუქმებს

საქართველოს მთავრობამ სახელმწიფო გრანტების მართვის სააგენტოს საქმიანობის შეწყვეტის გადაწყვეტილება მიიღო. 24News.ge იუწყება, რომ პრემიერ-მინისტრ ირაკლი კობახიძის თქმით, სააგენტო ამჟამად ეტაპობრივად წყვეტს საქმიანობას და წლის ბოლომდე სრულად დაიხურება. კობახიძემ ჟურნალისტებთან განცხადებისას აღნიშნა, რომ მთავრობა ფიქრობს, რომ არასამთავრობო ორგანიზაციები უცხოური პოლიტიკური ჩარევისთვის გამოიყენება. მისი თქმით, ამ მიზეზით ისინი მიიჩნევენ, რომ სახელმწიფო ბიუჯეტიდან ასეთი ორგანიზაციების დაფინანსება სწორი არ არის. „არასამთავრობო ორგანიზაციები ხელოვნურად შექმნილი ფენომენია და უცხოური პოლიტიკური ჩარევისთვის გამოიყენება. როდესაც შესაბამისი სააგენტო შევქმენით, დავინახეთ, რომ ეს ასე იყო. ამიტომ, ასეთი რამის დაფინანსება სწორი არ არის და ეს გადაწყვეტილება მივიღეთ“, – განაცხადა კობახიძემ. აღსანიშნავია, რომ სახელმწიფო გრანტების მართვის სააგენტო მთავრობის 2025 წლის 15 აპრილის გადაწყვეტილებით შეიქმნა. სააგენტომ პირველი საგრანტო განაცხადების მიღება იმავე წლის ივლისში დაიწყო. სააგენტოს შექმნამდე მიღებულ იქნა კანონი „უცხოური დაფინანსების გამჭვირვალობის შესახებ“ და ცვლილებები შევიდა კანონში „გრანტების შესახებ“. მთავრობის მიერ წარმოდგენილი მოდელის ფარგლებში გათვალისწინებული იყო საგრანტო დაფინანსების ნაწილის სახელმწიფო ბიუჯეტის ხარჯზე განხორციელება.

www.24news.ge

მთავრობა სახელმწიფო გრანტების მართვის სააგენტოს აუქმებს

სხვა სიახლეები