Tbilisidən Batumiyə 3 saat yarıma çatmaq mümkün olacaq

Bu gün Zestafon dolama yolunun ən mühüm hissəsi açılıb. Bununla da Tbilisidən Batumiyə 3 saat yarıma çatmaq mümkün olacaq. 24News.ge xəbər verir ki, bu barədə Regional İnkişaf və İnfrastruktur naziri İrakli Karseladze Zestafon dolama əsas yolunun açılış mərasimində deyib. Nazir vurğulayıb ki, hazırda qalan hissələr üzrə aparılan işlər vacibdir və bu, bütün Rikoti hissəsinin və Şərq-Qərb dəhlizinin inkişafında dönüş rolunu oynayacaq. O, həmçinin qeyd edib ki, bu gün Şərq-Qərb avtomobil yolunun 276 km-i və ya 64%-i artıq avtomobillərin hərəkəti üçün açılıb. Avtomobil yolunun 66,1 km-də tikinti işləri davam etdirilir. Gürcüstan hökumətinin məlumatına görə, Asiya İnkişaf Bankının maliyyələşdirdiyi layihənin ümumi dəyəri 2,6 milyard laridir (təxminən 1 milyard ABŞ dolları). Layihənin 2024-cü ilin sonunadək tamamlanması gözlənilir. 52 kilometrlik Rikoti Keçidi magistral yolu 97 körpüyə və 51 tunelə malik olacaq.

www.24news.ge

Tbilisidən Batumiyə 3 saat yarıma çatmaq mümkün olacaq

Digər xəbərlər