ABŞ Ukraynaya 500 ədəd “Patriot” raketinin satışını təsdiqləyib

ABŞ Dövlət Departamenti Ukraynaya “Patriot” hava hücumundan müdafiə sistemləri üçün 500 ədəd PAC-3 raketinin mümkün satışını təsdiqləyib. 24News.ge xəbər verir ki, bu barədə ABŞ Dövlət Departamentinin rəsmi açıqlamasında bildirilib. Məlumata görə, razılaşmanın ehtimal olunan dəyəri 2,1 milyard dollar təşkil edir. Sözügedən məbləğ tamamilə ABŞ-ın tərəfdaşları və müttəfiqləri tərəfindən maliyyələşdiriləcək. Ukrayna bu satınalmanı Kanada, Almaniya və Norveçin JUMPSTART proqramı çərçivəsində ayırdığı vəsaitlər, eləcə də Ukraynaya dəstək məqsədilə Avropa İttifaqının təqdim etdiyi kredit hesabına formalaşan milli maliyyə vəsaitləri ilə həyata keçirəcək. ABŞ Dövlət Departamentinin açıqlamasında xüsusi olaraq qeyd olunub ki, bu satış sazişində ABŞ büdcəsindən vəsait istifadə edilməyəcək. Bildirilib ki, Ukrayna hökuməti ABŞ-dan 500 ədəd PAC-3 raketinin alınması ilə bağlı müraciət edib. Paketə həmçinin ehtiyat hissələri, proqram təminatı komponentləri və digər əlavə müdafiə avadanlıqları daxildir. ABŞ Dövlət Departamenti hesab edir ki, bu satış Avropada siyasi və iqtisadi sabitliyin mühüm amillərindən biri olan tərəfdaş ölkənin təhlükəsizliyini gücləndirməklə ABŞ-ın xarici siyasət və milli təhlükəsizlik məqsədlərinə xidmət edəcək.

www.24news.ge

ABŞ Ukraynaya 500 ədəd “Patriot” raketinin satışını təsdiqləyib

Digər xəbərlər