Gürcüstandan Avropa İttifaqı ölkələrinə ixrac artıb

2023-cü ilin ilk 7 ayı ərzində (yanvar-iyul) Gürcüstandan Avropa İttifaqına 448 milyon 578 min dollarlıq məhsul ixrac edilib ki, bu da ötən ilin müvafiq dövrünün göstəriciləri ilə müqayisədə 7,5% çoxdur. 24News.ge xəbər verir ki, bu barədə müvafiq məlumatlar Dövlət Statistika Komitəsinin dərc etdiyi rəqəmlərdə öz əksini tapıb. Cari ilin ilk 7 ayı ərzində Gürcüstandan Aİ ölkələrinə bir nömrəli ixrac məhsulu filizlər və mis konsentratlarıdır ki, bu da ümumi ixracın 45%-ni təşkil edir. Avropa İttifaqı ölkələrinə həyata keçirilən TOP-10 ixrac məhsullarının siyahısı bu cürdür: ● Mis filizləri və konsentratları - 203 milyon, 845 min dollar; ● Mineral və kimyəvi azot gübrələri - 29 milyon, 452 min dollar; ● Etil spirti, alkoqollu içkilər - 22 milyon, 558 min dollar; ● Qoz və fındıq - 20 milyon, 767 min dollar; ● Hesablayıcı maşınlar və onların blokları - 16 milyon, 492 min dollar; ● Şərab - 16 milyon, 376 min dollar; ● Avtomobillər - 15 milyon, 140 min dollar; ● Pnevmatik rezinlər - 8 milyon, 344 min dollar; ● Mineral və şirin su - 7 milyon, 40 min dollar; ●Elektrikli su qızdırıcıları - 6 milyon, 972 min dollar; Qeyd edək ki, 2014-cü ilin 1 sentyabr tarixindən etibarən "Dərin və Hərtərəfli Azad Ticarət Zonası" (DCFTA) haqqında saziş də daxil olmaqla, Gürcüstan və Avropa İttifaqı arasında Assosiyasiya sazişinin ticarətlə bağlı müddəaları qüvvəyə minməyə başladı. Sözügedən tarixdən etibarən Avropa İttifaqından Gürcüstana idxal olunan və Gürcüstandan Avropa İttifaqı ölkələrinə ixracı həyata keçirilən məhsullara tətbiq edilən gömrük vergisi ləğv edilib. "Dərin və Hərtərəfli Azad Ticarət Zonası" (DCFTA) haqqında saziş, Gürcüstan və Avropa İttifaqı arasında imzalanmış Assosiasiya Sazişinin (IV Qapı - Ticarət və Ticarətlə bağlı Məsələlər) ən mühüm komponentlərindən biridir. Sözügedən saziş Avropa İttifaqı ilə iqtisadi inteqrasiya mexanizmini özündə ehtiva edir və Gürcüstanın üzünə Avropa İttifaqının daxili bazarını açır. Gürcüstanın imzaladığı digər azad ticarət sazişlərindən fərqli olaraq, DCFTA həm mallar, həm də xidmətlər üzrə ticarətin liberallaşdırılmasını nəzərdə tutur. Bundan əlavə, DCFTA ticarətlə bağlı məsələlərin geniş spektrini (məsələn: qida təhlükəsizliyi, rəqabət siyasəti, mülkiyyətin qorunması, maliyyə xidmətləri və s.) əhatə edir və Gürcüstanın ticarətlə bağlı qanunvericiliyinin tədricən Avropa İttifqanın qanunvericiliyinə yaxınlaşmasını təmin edir.

www.24news.ge

Gürcüstandan Avropa İttifaqı ölkələrinə ixrac artıb

Digər xəbərlər