Gürcüstan və Türkiyənin baş prokurorları arasında əməkdaşlığın dərinləşdirilməsi müzakirə olunub (FOTO)

Gürcüstanın baş prokuroru Giorgi Qvarakidze Türkiyə Respublikasında Balkan ölkələrinin baş prokurorlarının işgüzar forumu çərçivəsində Türkiyə Respublikası Ali Apellyasiya Məhkəməsinin baş prokuroru Muhsin Şentürklə görüş keçirib. 24News.ge xəbər verir ki, bu barədə Gürcüstan Baş Prokurorluğu məlumat yayıb. Məlumata görə, görüş zamanı tərəflər Gürcüstan və Türkiyənin səlahiyyətli qurumları arasında cinayət hüququ sahəsində mövcud olan sıx və səmərəli əməkdaşlığı müzakirə ediblər. Görüşdə iki ölkə arasında prokurorluq sahəsində əməkdaşlıq istiqamətində əldə olunan mühüm nəticələr qeyd olunub və gələcəkdə qarşılıqlı əməkdaşlığın daha da dərinləşdirilməsinə hazır olduqları bildirilib. Tərəflər birgə səylər nəticəsində əməkdaşlığın daha da inkişaf etdirilməsinin vacibliyini vurğulayıblar. Gürcüstanın baş prokuroru Giorgi Qvarakidze Türkiyə Respublikası Ali Apellyasiya Məhkəməsinin baş prokuroru Muhsin Şentürkü rəsmi səfərlə Gürcüstana dəvət edib. Balkan ölkələrinin baş prokurorlarının işgüzar forumu çərçivəsində keçirilən ikitərəfli görüşdə Gürcüstan baş prokurorunun birinci müavini Kaxaber Muradaşvili, baş prokurorun müavini Zurab Beltadze, Gürcüstan Baş Prokurorluğunun Beynəlxalq Əlaqələr Departamentinin rəhbəri Giorgi Mikava, Gürcüstanın Türkiyədəki səfiri Arçil Kalandia və Türkiyə Baş Prokurorluğunun nümayəndələri iştirak ediblər.

www.24news.ge

Gürcüstan və Türkiyənin baş prokurorları arasında əməkdaşlığın dərinləşdirilməsi müzakirə olunub (FOTO)

Digər xəbərlər