Haqqımızda Reklam
27 
May
2020
14:59
7
98
3857

Marneuli yepiskopu Giorgi Camdeliani son günlər baş verənlərə münasibət bildirdi

Marneuli və Hucabi yepiskopu Giorgi Camdeliani bazar xütbəsi zamanı Nərimanovun büstü barəsində bildirdiyi fikirlərinin cəmiyyət tərəfindən birmənalı olaraq qarşılanmasına münasibət bildirib. 24News.ge xəbər verir ki, yepiskop Rustavi 2 kanalına müsahibəsində deyib ki, Nəriman Nərimanov və onun büstü barəsində olan fikirləri hələdə dəyişmir. O heykəlin bərpasının qeyri-qanuni olduğunu və şəhər merindən bu barədə açıqlama gözlədiyini bildirib. “Bizim etnik azərbaycanlı bacı və qardaşlarımızı yaxşı başa salmaq lazımdır ki, Nərimanov Gürcüstan və Azərbaycan xalqının düşmənidir, əgər onun represiyaları barəsində onlara bəhs etsəniz özləri başa düşəcəklər ki, heykəlin şəhərin mərkəzində yerləşməsinin heç bir mənası yoxdur. Marneuli meri Nərimanovun biografiyasını deyəsən bilmir. Heykəlin bərpa olunması işləri, nə Memarlıq Xidmətilə, nə Nəzarət Xidmətilə, nə də ki, müvafiq xidmətlərlə razılaşılmamış həyata keçirilib. Bildiyimə görə heykəlin bərpasının təşəbbüskarı elə Zaur Darğallı olub, bu isə onun qanundan kənar iş gördüyü deməkdir”, - deyə Camdeliyani bildirib. Yepiskop həmçinin onun sözlərinə etiraz edənlərin təşkilatlar tərəfindən idarə olunduğunu da iddia edib. “Bu aktivistlər aydındır ki, kimlər tərəfindən idarə olunurlar. Bu məsələnin arxasında EMC təşkilatı və UGMADİ-nin rəhbəri Mirtəqi Əsədov durur. Onlar hətta Yeparxiyanı məhkəməyə belə veriblər”, - deyə bildirib. Xatırladaq ki, Marneuli və Hucabi yepiskopu Giorgi Camdeliyani bazar xütbəsi zamanı, Nərimanovun heykəlinin bərpa olunması əvəzinə sökülüb zibilliyə atılmalı və Zaur Darğallının buna görə insanlardan üzr istəməli olduğunu bildirmişdir.

www.24news.ge