“Mamed Gas” şirkətinin rəhbəri Nəriman Allahverdiyev azadlığa buraxılıb

Bu gün, 7 oktyabr tarixində keçirilən məhkəmə iclasında “Mamed Gas” şirkətinin rəhbəri Nəriman Allahverdiyevin həbsdə saxlanılması ilə bağlı məsələ müzakirə olunub və o, məhkəmə zalından azadlığa buraxılıb. Bu barədə 24News.ge xəbər portalına onun vəkili Rövşən Ziyədaliyev məlumat verib. Vəkilin sözlərinə görə, bundan sonra Nəriman Allahverdiyevin məhkəmə prosesi azadlıqda davam edəcək. Müdafiə tərəfinin mövqeyinə əsasən, təqsirləndirilən şəxsin məhkəmə prosesindən yayınması, yeni cinayət törətməsi və ya sübutlara müdaxilə etməsi ilə bağlı əsasların olmadığı nəzərə alınıb. O bildirib ki, müvəkkili 100 min lari girov müqabilində sərbəst buraxılıb. Məhkəmə girov məbləğinin ödənilməsi üçün bir həftə vaxt verib. Rövşən Ziyədaliyevin sözlərinə görə, növbəti məhkəmə iclası 21 oktyabrda Rustavi Şəhər Məhkəməsində keçiriləcək. Qeyd edək ki, Nəriman Allahverdiyev avqustun 20-i səhər saatlarında saxlanılmışdı. Daxili İşlər Nazirliyindən bildirilmlişdi ki, Nəriman Allahverdiyev maliyyə mübahisəsi və daxil olan şikayətlərlə bağlı məhkəməyə gəlmədiyi üçün axtarışa verilib və məhz bu əsasla saxlanılıb.

www.24news.ge

“Mamed Gas” şirkətinin rəhbəri Nəriman Allahverdiyev azadlığa buraxılıb

Digər xəbərlər