Kaspi bələdiyyəsində bir nəfər həmyerlisini güllələyib (VİDEO)

Şida Kartli Polis Departamentinin Kaspi Rayon İdarəsinin əməkdaşları bir nəfəri saxlayıblar. 24News.ge xəbər verir ki, o, sağlamlığa qəsdən ağır zərər vurmaqda və odlu silahı qanunsuz əldə edib saxlamaqda ittiham olunur. Daxili İşlər Nazirliyinin məlumatına görə, istintaqla müəyyən edilib ki, təqsirləndirilən şəxs Kaspi bələdiyyəsinin Zemo Xandaqi kəndində əvvəllər baş vermiş münaqişə zəminində həmyerlisini odlu silahla güllələyərək yaralayıb və hadisə yerindən qaçıb. Yaralı tibbi yardım göstərilməsi üçün xəstəxanaya yerləşdirilib. Hüquq-mühafizə orqanları şübhəlini hadisədən qısa müddət sonra saxlayıblar. Cinayətdə istifadə olunan silah maddi sübut kimi götürülüb. Bundan əlavə, saxlanılan şəxsin yaşadığı evdə aparılan axtarış zamanı müxtəlif kalibrli patronlar və kiçik kalibrli tüfəng aşkarlanaraq götürülüb. Faktla bağlı Cinayət Məcəlləsinin 117 və 236-cı maddələri ilə istintaq aparılır. Həmin maddələr 7 ilədək azadlıqdan məhrumetmə cəzasını nəzərdə tutur.

www.24news.ge

Kaspi bələdiyyəsində bir nəfər həmyerlisini güllələyib (VİDEO)

Digər xəbərlər