GAİM-in yetirməsi Romada beynəlxalq güləş turnirinin qalibi olub (FOTO)

Gürcüstan Azərbaycanlılarının İnteqrasiya Mərkəzinin (GAİM) yunan-Roma güləşi üzrə yetirmələri beynəlxalq və ölkədaxili yarışlarda uğurlu nəticələr əldə ediblər. 24News.ge xəbər verir ki, İtaliyanın paytaxtı Romada keçirilən beynəlxalq güləş turnirində GAİM-in idmançısı Ömər Mursaqulov 27 kiloqram çəki dərəcəsində bütün rəqiblərinə qalib gələrək qızıl medal qazanıb. Digər idmançı Əlirza Xacayev isə Gürcüstanın Oni şəhərində səkkizqat SSRİ çempionu Avtandil Maisuradzenin xatirəsinə həsr olunmuş turnirdə 32 kiloqram çəki dərəcəsində mübarizə apararaq üçüncü yeri tutub. Mərkəzdən bildirilib ki, əldə olunan nəticələr gənc idmançıların məqsədyönlü hazırlığının və əzmkarlığının göstəricisidir. İdmançıların uğurlarında məşqçi Elçin Mustafayevin də mühüm rolu qeyd olunub. GAİM rəhbərliyi qalib idmançıları və məşqçilərini təbrik edərək onlara gələcək yarışlarda yeni uğurlar arzulayıb.

www.24news.ge

GAİM-in yetirməsi Romada beynəlxalq güləş turnirinin qalibi olub (FOTO)

Digər xəbərlər